Իրավիճակը

Վերջին տասնամյակներում ֆիզիկական կրթությունն անտեսված է Հայաստանի հանրակրթական դպրոցներում հիմնականում երկու՝ մարզադահլիճների ու սանհանգույցների անմխիթար վիճակի, ինչպես նաև ակտիվ ու առողջ ապրելակերպի կենսամշակույթի ցածր մակարդակի պատճառներով:

Ջրամատակարարում և սանիտացիա
(Մարդու իրավունքների պաշտպանի արտահերթ զեկույց, 2019)

ՈՎՀ. Տնտեսական բեռը և մահացության պատճառները
(ՄԱԶԾ և ԱՀԿ, 2019)

Առկա խնդիրները

• Ֆիզիկական կրթության անբարենպաստ պայմաններ։
• Առողջ ապրելակերպի կենսամշակույթի և գիտելիքի ցածր մակարդակ։
• Մարզասարքերի և կրթական ռեսուրսների սակավություն։
• Սանիտարահիգիենիկ վատ պայմաններ։
• Ոչ վարակիչ հիվանդությունների լայն տարածվածություն։
• Վարակիչ հիվանդությունների լայն տարածվածություն։
• Դաշտանային ցիկլի հիգիենայի ապահովման պայմանների բացակայություն

Գործողությունների քարտեզ

Փուլ 1

• Բոլոր հանրակրթական դպրոցների կարիքների գնահատում առցանց գործիքով՝ հասկանալու խնդրի ծավալն ու յուրահատկությունները։
• Հանրակրթական դպրոցների սանիտարահիգիենիկ պայմանների միջազգային չափորոշիչների ուսումնասիրում և տեղայնացում։
• Հանրակրթական դպրոցների մարզադահլիճների միջազգային չափորոշիչների ուսումնասիրում և տեղայնացում։
• Հանրակրթական դպրոցների քարտեզագրում՝ ըստ դրանց ֆիզիկական վիճակի։
  
  

Փուլ 2

Վերանորոգում

• Վերանորոգել հանրակրթական դպրոցների մարզադահլիճները։
• Վերանորոգել հանրակրթական դպրոցների սանհանգույցները։
• Վերազինել մարզադահլիճները համապատասխան մարզագույքով։

Կարողությունների զարգացում և առողջ ապրելակերպի խթանում

• Զարգացնել ֆիզիկական կրթության ուսուցիչների կարողություններն ու հմտությունները՝ ֆիզիկական ակտիվության մեջ աշակերտների ավելի մեծ ներգրավվածություն ապահովելու, թիմային ոգի սերմանելու և առողջ սովորույթներ խթանելու նպատակով։
• Կազմակերպել միջդպրոցական մարմնամարզական միջոցառումներ (մրցումներ, փառատոններ և այլն)։
• Խթանել առողջ ապրելակերպը համայնքներում։

Ծրագրի ակնկալվող ազդեցությունը

Կարճաժամկետ արդյունքը

• Աշակերտների մտավոր և ֆիզիկական առողջության բարելավում։
• Աշակերտների ակադեմիական առաջընթաց։
• Ամուր սոցիալական կապեր և կենսունակ համայնքներ։
• Սպորտային միջոցառումներում երիտասարդության ավելի ակտիվ ներգրավում։
• Վարակիչ և ոչ վարակիչ հիվանդությունների նվազում։
• Ռիսկային վարքագծի կանխարգելում։

Երկարաժամկետ արդյունքը

• Հանրային առողջության բարելավում։
• Կենսաշրջանի բարելավում։
• Գենդերային հավասարության անուղղակի խրախուսում։
• Առավել առողջ և գործունակ աշխատուժ։
• Ընտանիքների, ինչպես նաև ողջ տնտեսության՝ հիվանդություններով պայմանավորված ֆինանսական և սոցիալական բեռի թեթևացում։