«Իմ քայլը» հիմնադրամը և Կայուն զարգացման նպատակների ազգային նորարարական կենտրոնը կհամագործակցեն

20 Հունիսի, 2019
Ստորագրված հուշագրի շրջանակում կստեղծվեն փաստերի և գիտելիքի վրա հիմնված նորարարական լուծումներ:

Այսօր «Իմ քայլը» բարեգործական հիմնադրամի Գործադիր տնօրեն Հովհաննես Ղազարյանը և Կայուն զարգացման նպատակների ազգային նորարարական կենտրոնի ղեկավար Ստեփան Մարգարյանը կնքել են համագործակցության մտադրությունների հուշագիր։ Հուշագրի շրջանակում կողմերը հինգ ուղղություններով (կրթություն, մշակույթ, բնապահպանություն, առողջապահություն և սոցիալական ապահովություն) փաստերի և գիտելիքի վրա հիմնված նորարարական լուծումներով համատեղ ծրագրեր են իրականացնելու։

«Մտադրությունների հուշագիրը կնքում ենք՝ նպատակ ունենալով ձևավորել այնպիսի հասարակություն, որտեղյուրաքանչյուր անդամ պատասխանատվություն է ստանձնում ինչպես սեփական, այնպես էլ հանրային բարեկեցության համար»,- ստորագրման արարողության ժամանակ ասել է «Իմ քայլը» բարեգործական հիմնադրամի գործադիր տնօրեն Հովհաննես Ղազարյանը։ Նա նշել է, որ հուշագրի դերը կարևոր է նաև Միավորված ազգերի կազմակերպության «Կայուն զարգացման 2030 օրակարգի» իրագործման համատեքստում՝ առողջ, կրթված և ներառական հասարակության կայացման հարցում։

Կայուն զարգացման նպատակների ազգային նորարարական կենտրոնի ղեկավար Ստեփան Մարգարյանը հավելել է. «Մեր կենտրոնը իր գործունեության կարճ ժամանակահատվածում հասցրել է ստեղծել սոցիալական, բնապահպանական և տնտեսական մարտահրավերները լուծող նորարարական նախագծերի մեծ պորտֆոլիո։ Համագործակցելով «Իմ քայլը» բարեգործական հիմնադրամի հետ՝ այս հինգ ոլորտներից յուրաքանչյուրում հետազոտություններ ենք իրականացնելու՝ մշակելու այնպիսի լուծումներ, որոնք կարագացնեն Հայաստանում Օրակարգ 2030-ի իրականցումը»։

«Իմ քայլը» բարեգործական հիմնադրամի և Կայուն զարգացման նպատակների ազգային նորարարական կենտրոնի առաջին համատեղ նախագիծն արդեն մշակման փուլում է, և շուտով որոշ մանրամասներ հասանելի կդառնան լայն հանրությանը։

***

Կայուն զարգացման նպատակներիազգային նորարարական կենտրոնը ՀՀ կառավարության և ՄԱԿ-ի համատեղ նախաձեռնությունն է, որին աջակցում է ՄԱԶԾ-ն: Կենտրոնը Կայուն զարգացման նպատակների իրականացման արագացմանը միտված պիլոտային մոդել է, որը հետազոտության և փաստերի օգնությամբ նպաստում է հանրային քաղաքականության նորարարությանը։

«Իմ քայլը» բարեգործական հիմնադրամը հիմնադրվել է ՀՀ վարչապետի տիկին Աննա Հակոբյանի կողմից 2018 թ. հունիսին։ Հիմնադրամը երկարաժամկետ ազդեցություն ունեցող ծրագրեր է իրականացնում սոցիալական, առողջապահության, կրթության, բնապահպանության, մշակույթի ոլորտներում՝ ձգտելով նպաստել Հայաստանում առողջ և ներառական հասարակության կառուցմանը։

20 Հունիսի, 2019
ՆՈՐՈՒԹՅՈՒՆՆԵՐ

Այլ լուրեր

news-listing-img
date piker 19 Նոյեմբերի, 2021
Մխիթար Հայրապետյանը՝ «Իմ Քայլը» հիմնադրամի գործադիր տնօրեն
ՀՀ սփյուռքի նախկին նախարար Մխիթար Հայրապետյանը խորհրդի որոշմամբ ընտրվել է գործադիր տնօրենի պաշտոնում:
news-listing-img
date piker 24 Հուլիսի, 2020
Բժշկական սարքավորումների նվիրատվություն՝ ի նպաստ COVID-19-ի համավարակի դեմ պայքարի
Ս.թ. հուլիսի 24-ին Մարտունու բժշկական կենտրոնում տեղի ունեցավ բժշկական սարքավորումների նվիրատվություն՝ ի նպաստ COVID-19-ի համավարակի դեմ պայքարի արդյունավետության բարձրացման:
news-listing-img
date piker 05 Դեկտեմբերի, 2019
«Իմ քայլը» հիմնադրամում ես ձեռք բերեցի վստահություն, որ ամեն ինչ ճիշտ հունով է ընթանում. Աննա Մաթևոսյան
«Հիմնադրամի մասին լսել էի դեռևս Մոսկվայում։ Շատ տպավորիչ էր թվում հիմնադրամի աշխատանքը։ Երբ արդեն տեղափոխվեցի ապրելու Հայաստանում, դիմեցի Birthright ծրագրին՝ խնդրելով ինձ կապել «Իմ քայլը» բարեգործական հիմնադրամի հետ»,- այսպես է սկսում իր՝ կամավորի պատմությունը Աննա Մաթևոսյանը։