Ծրագիրն ուղղված է Հայաստանում դասական ակադեմիական երաժշտության կայուն զարգացմանը՝ դասական երաժշտության միասնական էլեկտրոնային հարթակի ստեղծման և կայուն ֆինանսական հոսքերի ավելացման մեխանիզմների ներդրման միջոցով։ Զարգացման մեխանիզմների ներդրումը ներառում է ռեբրենդինգի, մարքեթինգի և տոմսային քաղաքականության վերանայում։ Ոլորտի կայուն զարգացման ապահովումը կբերի երկրում ակադեմիական արվեստի հանրահռչակմանը և մշակութային զբոսաշրջության զարգացմանը։

Իրավիճակը
Դասական երաժշտությունը Հայաստանի Հանրապետության մշակույթի կարևորագույն ուղղություններից է: Հայաստանում դասական երաժշտության ձևավորված ավանդույթը կարևոր նախադրյալ է ոլորտի առաջխաղացման համար։ Դասական երաժշտության կոլեկտիվները ստանում են որոշակի ֆինանսավորում պետական բյուջեից։ Այնուամենայնիվ նրանց կայուն գործունեության և հետագա զարգացման նպատակով անհրաժեշտ է ապահովել ֆինանսական հոսքերի նշանակալի ավելացում՝ լավագույն կադրերի արտահոսքը կանխելու, նոր կադրեր ներգրավելու և, ամենակարևորը, նոր ծրագրեր իրականացնելու համար։

Ծրագրի կարճաժամկետ նպատակն է ապահովել դասական երաժշտության կոլեկտիվների պահպանումը «Հայաստանի դասական երաժշտության բարեկամներ» նախաձեռնության միջոցով:
Ծրագրի երկարաժամկետ նպատակն է մշակել և ներդնել դասական երաժշտության կառույցների կայուն զարգացման մեխանիզմներ՝ նպաստելու վերջիններիս ինքնաբավությանը և մրցունակությանը:

Ծրագրի շահառուներն են՝

• Հայաստանի ազգային ֆիլհարմոնիկ նվագախումբ
• Հայաստանի պետական սիմֆոնիկ նվագախումբ
• Հայաստանի պետական կամերային երգչախումբ
• Հայաստանի պետական կամերային նվագախումբ
• Կոմիտասի անվան ազգային քառյակ
• «Հովեր» պետական կամերային երգչախումբ
• Հայաստանի ազգային ակադեմիական երգչախումբ

Հիմնական գործողությունները

• Գնահատել դասական երաժշտության զարգացման խոչընդոտները և ներկա իրավիճակը։
• Կարողությունների զարգացման միջոցով ստեղծել կայուն ֆինանսական հոսքերի ավելացման մեխանիզմներ՝ զարգացման ծրագրերի ներդրման, բրենդինգի, մարքեթինգի և տոմսային քաղաքականության վերանայման միջոցով։

Ակնկալվող արդյունքը/ազդեցությունը

• Դասական երաժշտության ոլորտում ֆինանսական հոսքերի ավելացում և կայուն զարգացման ապահովում։
• Հայաստանում մշակութային զբոսաշրջության զարգացում։
  
• Հայաստանի միջազգային դիրքավորում՝ որպես երաժշտական բարձր արվեստի երկիր։
  
• Հայաստանյան կատարողական արվեստի ներկայացում միջազգային հարթակներում։
  

• Բարեկամ կազմակերպություններ
  «Ադամիում» ՍՊԸ

  «Ամերիաբանկ» ՓԲԸ

  «Երևանի սիթի» սուպերմարկետների ցանց

  «Ինեկոբանկ» ՓԲԸ

  «Հայաստանի էլեկտրական ցանցեր» ՓԲԸ

  «Հայբիզնեսբանկ» ՓԲԸ
  
  
• Աջակից կազմակերպություններ
  «Յուքոմ» հեռահաղորդակցության ընկերություն