Գիտաժողովի ընթացքում ուսանողները զեկուցեցին ատոմային և քվանտային ֆիզիկայի, ինֆորմատիկայի, օպտիկայի և էլեկտրոնիկայի բնագավառներում իրենց կատարած արդիական հետազոտությունների վերաբերյալ:

Գիտաժողովի մասնակիցները հանդես եկան գիտական-ակնարկային զեկույցներով։ Թեմաները նվիրված էին Հայզենբերգի սպինային մոդելում ֆերոմագնիսական և հակաֆերոմագնիսական երևույթների տեսական հետազոտմանը, կոնաձև քվանտային կետերում էքսիտոնային վիճակների և օպտիկական կլանման տեսական ուսումնասիրմանը, ԴՆԹ-ների և նանոխողովակների միջև տեղի ունեցող փոխազդեցությունների երևույթների ուսումնասիրմանը, նանոտեխնոլոգիաներիկիրառություններին ռազմական արդյունաբերությունում, քվանտային համակարգիչներին, դրանց հնարավոր կիրառություններին և ներկայիս զարգացման տենդենցներին, քվանտային
ծածկագրության մեթոդների կիրառություններին, ինչպես նաև քվանտային
համակարգիչների օգտագործմանը բանկային համակարգում:

Գիտաժողովի ժյուրիի կազմում էին՝ «Quanta» քվանտային և մեզոսկոպիկ ֆիզիկայի մագիստրոսական կրթական ծրագրի գիտական ղեկավար Հայկ Սարգսյանը, «Quanta» քվանտային և մեզոսկոպիկ ֆիզիկայի մագիստրոսական կրթական ծրագրի ղեկավար Գևորգ Մելիքսեթյանը, ՀՀ ԳԱԱ Ֆիզիկական հետազոտությունների ինստիտուտի տնօրեն Արամ Պապոյանը և Հայ-Ռուսական համալսարանի նյութագիտության ամբիոնի վարիչ Եվգենի Մամասախլիսովը:

Գիտաժողովը վեր հանեց մի շարք ուսանողների, որոնք 2022-2023թթ.-ի ուսումնական տարում կմասնակցեն «Quanta» քվանտային և մեզոսկոպիկ ֆիզիկայի մագիստրոսական կրթական ծրագրին: Ծրագրի հավանական մասնակիցների հետ հաջորդ հանդիպումը տեղի կունենա ապրիլի 12-ին։ Նրանք կմասնակցեն օլիմպիադայի։