Մրգաշատի մշակույթի տունը մեկն է Հիմնադրամի «Մարզային մշակույթի տների հզորացման և համայնքներում դրանց դերի վերաիմաստավորման» ծրագրի շահառու 9 մարզային մշակույթի տներից, որոնց աշխատակիցները և կամավորներն անցյալ տարի մասնակցել են Ծրագրի շրջանակում կարողությունների զարգացման դասընթացներին:

Առաջիկա շաբաթներին Ծրագրի մասնակից բոլոր մշակույթի տների աշխատակիցները և կամավորները Հիմնադրամի ծրագրային թիմի ուղեկցությամբ ճանաչողական այցեր կկատարեն Հայաստանի տարբեր համայնքներ, որտեղ հաջողությամբ ներդրվել է սոցիալական ձեռներեցության մոդելը:

Ակնկալվում է, որ հետագայում Ծրագրի մասնակից մշակույթի տներում կվերանորոգվեն, կկահավորվեն և տեխնիկապես կզինվեն երիտասարդական տարածքներ, ինչպես նաև կհիմնադրվի որևէ սոցիալական ձեռնարկություն՝ հաշվի առնելով համայնքի առանձնահատկություններն ու զարգացման ներուժը: