Ժամանակակից տեխնիկայի շնորհիվ մշակույթի տան կամավորներն ու համայնքի երիտասարդները կկարողանան իրականացնել մի շարք ծրագրեր, որոնք պլանավորել էին 2020 թ․-ին՝ մշակույթի տան աշխատակիցների և կամավորների մասնակցությամբ «Միջոցառումների կազմակերպում, հանրային կապեր և առցանց գործիքներ» դասընթացի և ծրագրի մենթորների հետ անհատական աշխատանքի արդյունքում։

Խաչիկցիները մեծ ոգևորությամբ ընդունեցին նվերը և խոստացան հնարավորինս արագ մեկնարկել նախատեսված միջոցառումները։

Մշակույթի տան կամավորները հյուրերին ընդունեցին ազգային պարերով, Կոմիտասի կատարումներով, իսկ նվեր ստացած տեխնիկայով ցուցադրեցին համայնքի տարեցների և երիտասարդների համար իրենց կողմից արդեն իսկ իրականացված միջոցառումների մասին պատմող հոլովակներ:

Շնորհակալություն «Վեգա» ընկերությանը Ծրագրին արձագանքելու և այս կարևոր աջակցության համար: