• «Արարատ քաղաքի մշակույթի կենտրոն» ՀՈԱԿ (Արարատի մարզ),
• «Արթիկի Վարազ Սամուելյանի անվան մշակույթի տուն» ՀՈԱԿ (Շիրակի մարզ),
• «Բերդի մշակույթի տուն» համայնքային հիմնարկ (Տավուշի մարզ),
• Գանձաքարի մշակույթի տուն ՀՈԱԿ (Տավուշի մարզ),
• Լճաշենի Րաֆֆի Հովհաննիսյանի անվան մշակույթի տուն (Գեղարքունիքի մարզ),
• Արենի համայնքի Խաչիկ գյուղի մշակույթի տուն (Վայոց Ձորի մարզ),
• Մեղրաձորի Սամվել Մուրադյանի անվան մարզամշակութային կենտրոն (Կոտայքի մարզ),
• «Ստեփանավանի մշակույթի և ժամանցի կենտրոն» ՊՈԱԿ (Լոռու մարզ),
• «Օշականի մշակույթի պալատ» ՀՈԱԿ (Արագածոտնի մարզ),
• Մրգաշատի մշակույթի տուն (Արմավիրի մարզ)։

Հիմնադրամն ընդհանուր առմամբ ստացել է 113 հայտ, որոնք մանրամասն ուսումնասիրվել են Ընտրական հանձնաժողովի կողմից: Մշակույթի տներն ընտրվել են ըստ նախապես սահմանված և հայտարարված չափորոշիչների, այն է՝ կազմակերպության գործունեության ակտիվություն, կարողություններ և մարդկային ռեսուրսներ, համայնքի և (կամ) գործընկերների՝ ֆինանսական և ոչ ֆինանսական ներդրում կատարելու պատրաստակամություն, ներկայացված զարգացման և երիտասարդների ներգրավման ծրագրեր։

Ծրագիրը կազմված է երկու բաղադրիչից՝ մարդկային կարողությունների զարգացում և (կամ) վերանորոգում ու նյութատեխնիկական բազայի համալրում՝ ըստ անհրաժեշտության:

«Իմ քայլը» հիմնադրամը ցանկանում է շնորհակալություն հայտնել բոլոր մշակույթի տներին ծրագրի հանդեպ հետաքրքրության համար:

Ծրագրի ընթացքին կարող եք տեղեկանալ «Իմ քայլը» հիմնադրամի կայքից և սոցիալական էջերից: