ԱՇԽԱՏԱՆՔԻ ՍԿԻԶԲ՝ Օգոստոսի 1, 2019 թ.

ԱՇԽԱՏԱՆՔԻ ՏԵՍԱԿԸ՝ Ամբողջ դրույք

ԳՏՆՎԵԼՈՒ ՎԱՅՐԸ՝ Երևան, Հայաստան

ԴԻՄԵԼՈՒ ՎԵՐՋՆԱԺԱՄԿԵՏԸ՝ 12.07.2019 թ.

ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ

Բնապահպանական ծրագրերի համակարգողը պատասխանատու է բնապահպանության ոլորտում Հիմնադրամի ռազմավարության մշակման, ծրագրերի գնահատման չափանիշների սահմանման, ընտրված ծրագրերի իրականացման համակարգման և վերահսկման համար:

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ

· Մշակել և Հոգաբարձուների խորհրդի հաստատմանը ներկայացնել շրջակա միջավայրի պահպանության ոլորտում Հիմնադրամի քաղաքականության ռազմավարությունը, ծրագրերի ընտրության չափանիշները:

· Համակարգել Հիմնադրամի կողմից իրականացվող բնապահպանական ծրագրերի իրականացումը:

· Համակարգել և վերահսկել բնապահպանական ուղղվածության նամակների, դիմումների, նախագծերի ստացման, խմբավորման, հետադարձ կապի պահպանման աշխատանքները:

· Ուսումնասիրել ոլորտին վերաբերող նախագծերն ու առաջարկները և հիմնավորված առաջարկություններ ներկայացնել գործադիր տնօրենին, հոգաբարձուների խորհրդի նախագահին, հոգաբարձուների խորհրդին:

· Անհրաժեշտության դեպքում մասնակցել Հիմնադրամի վարչական և կազմակերպչական աշխատանքներին:

· Ձևավորել և պահպանել հարաբերություններ պետական հաստատությունների, քաղաքացիական հասարակության կազմակերպությունների, միջամտություններ իրականացնող դերակատարների հետ:

· Մշակել և հնարավոր դոնորներին ներկայացնել բնապահպանական նախագծերի առաջարկներ։

ԱՆՀՐԱԺԵՇՏ ՈՐԱԿԱՎՈՐՈՒՄ

· Բարձրագույն կրթություն

· Առնվազն 3 տարվա աշխատանքային փորձ ծրագրերի կառավարման ոլորտում

· Կազմակերպչական հմտություններ

· Բարդ իրավիճակներում արագ կողմնորոշվելու ունակություն

· Ժամանակի պլանավորման, բազմակի առաջադրանքների համակարգման հմտություններ

· Միջանձնային հարաբերությունների հաստատման, թիմի կառավարման հմտություններ

· Գրավոր և բանավոր հաղորդակցման հմտություններ

· Բնապահպանական խնդիրների և մարտահրավերների, ինչպես նաև Հայաստանի բնապահպանության ոլորտի իրավիճակի մասին իրազեկվածություն

· Բանավոր և գրավոր հայերենի գերազանց իմացություն, ռուսերենի ու անգլերենի աշխատանքային իմացություն:

ԴԻՄԵԼՈՒ ԿԱՐԳԸ

Հետաքրքրված թեկնածուներին խնդրում ենք իրենց ինքնակենսագրականը (CV) և մոտիվացիոն նամակը (առավելագույնը 150 բառ) ուղարկել [email protected] էլ.փոստին՝ նամակի վերնագրի տողում նշելով «Բնապահպանական ծրագրերի համակարգող»: